გლობალური ჯანმრთელობა და მედიცინა
კომენტარი (0) გაზიარება (0)

2017 წლის 4 აპრილს პარლამენტის ეროვნულ ბიბლიოთეკაში კონფერენცია „გლობალური ჯანმრთელობა და მედიცინა“ გაიმართა. კონფერენციაში მონაწილეობდნენ დიპლომირებული მედიკოსის ამეირკული პროგრამის მესამე კურსის სტუდენტები ნინი დვალი და გეგი კირთაძე. პროგრამის სტუდენტებმა ზეპირი მოხსენება გააკეთეს ერთობლივ კვლევაზე „ანტიმიკრობული რეზისტენტობა და ჰოსპიტალური ინფექციები, როგორც მსოფლიო ჯანდაცვის გლობალური პრობლემა“. დიპლომირებული მედიკოსის ამერიკული პროგრამის სტუდენტების ხელმძღვანელი პროგრამის პედაგოგი, პროფესორი თამარ დიდბარიძე გახლდათ. კონფერენცია „გლობალური ჯანმრთელობა და მედიცინა“ ახალგაზრდული სამეცნიერო გაერთიანების ეგიდით გაიმართა.

მასში მონაწილეობას სხვადასხვა სამედიცინო სასწავლებლის სტუდენტები იღებდნენ როგორც ზეპირ, ისე პოსტერული პრეზენტაციებით. კონფერენციაზე განიხილეს აქტუალური საკითხები და კვლევები გლობალური ჯანდაცვისა და მედიცინის შესახებ. სტუდენტების პრეზენტაციები პროფესორება და პრაქტიკოსმა ექიმებმა შეაფასეს.