შიდსის მსოფლიო დღე 2023
კომენტარი (0) გაზიარება (0)

აკადემიური წარჩინების დეპარტამენტის სტუდენტებმა (Department of Academic Excellence/DAE), დიპლომირებული მედიკოსის ამერიკული პროგრამის მხარდაჭერით, თბილისის სახელმწიფო სამედიცინო უნივერსიტეტში ჩაატარეს კონფერენცია შიდსის შესახებ ცნობიერების ამაღლებისმიზნით.

იმის გამო, რომ დეკემბერი აივ ინფექციისა და შიდსის ცნობიერების ამაღლების თვეა, კონფერენციაზე შეჯამებული იყო აივ ინფექციის მკურნალობის 40 წელი.

კონფერენციაზე მოწვეულნი იყვნენ მომხსენებლები: ემორის უნივერსიტეტის მედიცინის სკოლის ასისტენტ-დეკანი, პროფესორი გორდონ ჩერჩვორდი, ექიმები -  გიორგი კამკამიძე და გივიჯავაშვილი, რომლებმაც სტუდენტებს დაავადების შესახებ კლინიკური გამოცდილება დაშეხედულებები გაუზიარეს.

თსსუ-ის დიპლომირებული მედიკოსის ამერიკული პროგრამის სტუდენტებმა, ნიტეშჰარიჰარანმა, ელენე შავგულიძემ, ლაშა ჩხიკვაძემ, ელენე ფესტვენიძემ, ნიკა ვაშაკიძემ, ელისაბედჩიქობავამ, ანგელინე აბრაჰამმა და ჯანადი კარავიტამ სპეციალური პრეზენტაციები მოამზადეს, სადაც განიხილეს აივ ინფექციისა და შიდსის დაავადებასთან დაკავშირებული კვლევები.

შიდსის მსოფლიო დღე არის შესაძლებლობა, კიდევ ერთხელ გამახვილდეს ყურადღება იმ პროგრესზე, რაც დღემდე დაავადებასთან ბრძოლაშია მიღწეული. ეს დღე კიდევ ერთხელ ახსენებს საზოგადოებას, რამდენად მნიშვნელოვანია ცნობიერების ამაღლება შიდსთან არსებული გამოწვევების დასაძლევად. 

ყოველწლიურად შიდსის მსოფლიო დღე ფოკუსირებულია კონკრეტულ თემაზე. 2023 წლის მოტივს წარმოადგენდა გლობალური სოლიდარობა, საერთო პასუხისმგებლობა.