თბილისის სახელმწიფო სამედიცინო უნივერსიტეტმა აბიტურიენტებს უმასპინძლა

25 თებერვალს თბილისის სახელმწიფო სამედიცინო უნივერსიტეტში ღია კარის დღე ჩატარდა. აბიტურიენტებს თსსუ-ის რექტორი, პროფესორი ზურაბ ვადაჭკორია, უნივერსიტეტის პროფესორები, ფაკულტეტების წარმომადგენლები და კოორდინატორები შეხვდნენ. 
დიპლომირებული მედიკოსის ამერიკული პროგრამით დაინტერესებულ ქართველ და უცხოელ აბიტურიენტებს ინფორმაცია პროგრამის პრიორიტეტების შესახებ პროგრამის დირექტორმა, მედიცინის დოქტორმა ეკა ეკალაძე, დირქტორის მოადგილემ, ასოცირებულმა პროფესორმა ნინო თევზაძემ, პროგრამის წარმომადგენლებმა და კოორდინატორებმა მიაწოდეს.მარიამ ჭელიძემ, პროგრამის მეორე კურსის სტუდენტმა, აბიტურიენტებს აშშ-ში, კერძოდ კი ემორის უნივერსიტეტში გატარებული საგანმანათლებლო ზაფხულის შედეგად მიღებული გამოცდილება გაუზიარა. მომავალ სტუდენტებსა და მათ მშობლებს ინფორმაციული სახის ბუკლეტები, გზამკვლევები და დიპლომირებული მედიკოსის ამერიკული პროგრამის სამახსოვრო სუვენირები დაურიგდათ. 
თსსუ-ის დიპლომირებული მედიკოსის ამერიკული პროგრამით დაინტერესებული აპლიკანტებისთვის ცალკე საინფორმაციო შეხვედრა მარტში გაიმართება. მომავალ სტუდენტებს საშუალება ექნებათ, American MD Program-ის შესახებ ამომწურავი ინფორმაცია კიდევ ერთხელ მიიღონ. ამასთან, შეეძლებათ,უშუალოდ გაესაუბრონ პროგრამის ხელმძღვანელ პირებს, მათ შორის ემორის უნივერსიტეტის (აშშ, ატლანტა) პროფესორს, საქართველოს საპატიო მოქალაქეს, კენ ვოლკერს და ემორის უნივერსიტეტის საერთაშორისო საგანმანათლებლო პროგრამების დირექტორს, არჩილ უნდილაშვილს.
მარტში დაგეგმილ საინფორმაციო შეხვედრაზე რეგისტრაციისთვის, გთხოვთ, დაუკავშირდეთ პროგრამის საზოგადოებასთან ურთიერთობის მენეჯერს - 593 51 55 32.