თეთრი ხალათების ცერემონია 2022
კომენტარი (0) გაზიარება (0)

19 ოქტომბერს თბილისის სახელმწიფო სამედიცინო უნივერსიტეტში დიპლომირებული მედიკოსის ამერიკული პროგრამის პირველსემესტრელი სტუდენტების მეათე საზეიმო მიღება - „თეთრი ხალათების ცერემონია“ გაიმართა.

ღონისძიებას თსსუ-ში განსაკუთრებული დატვირთვა აქვს: მედიცინის ფაკულტეტის სტუდენტებისთვის თეთრი ხალათი წარმატებული სამედიცინო კარიერისა და ექიმის შეუბღალავი ავტორიტეტის სიმბოლოს წარმოადგენს. როდესაც სტუდენტები თეთრი ხალათებით იმოსებიან, ისინი ვალდებულებას იღებენ, უპირატესობა მიანიჭონ თანაგრძნობას, თანამშრომლობასა და მეცნიერულად შესანიშნავ ზრუნვას სამედიცინო კარიერაში მოგზაურობის დაწყების პირველივე დღიდან.

გასული წლების მსგავსად, თეთრი ხალათების ცერემონია ამჯერადაც პომპეზური იყო. პროგრამის რიგით მეათე ღონისძიება საქართველოსა და ამერიკის ჰიმნებით გახსნა, რის შემდეგაც საპატიო სტუმრებსა და შეკრებილ საზოგადოებას თბილისის სახელმწიფო სამედიცინო უნივერსიტეტის რექტორმა, პროფესორმა ზურაბ ვადაჭკორიამ მიმართა. ღონისძიებას უძღვებოდა ემორის უნივერსიტეტის მედიცინის სკოლის საგანმანათლებლო პროგრამების დირექტორი, პროფესორი არჩილ უნდილაშვილი.



პროგრამის პირველკურსელებს მიესალმნენ ღონისძიებაზე მიწვეული საპატიო სტუმრები, მათ შორის, აშშ ვოლტერ რიდის არმიის სამედიცინო კვლევითი ინსტიტუტის საქართველოს ოფისის სამეცნიერო დირექტორი ბრაიან ვოლკერი. დიპლომირებული მედიკოსის ამერიკული პროგრამის ახალ სტუდენტებს სიტყვით მიმართა პროგრამის დირექტორმა, ეკა ეკალაძემ, პროფესორმა რიმა ბერიაშვილმა და დიპლომირებული მედიკოსის ამერიკული პროგრამის მეხუთე კურსის სტუდენტმა, ნიკა ვაშაკიძემ, რის შემდეგაც ღონისძიებაზე მიწვეულმა სტუმრებმა, ტრადიციულად, პროგრამის ემბლემით გაფორმებული თეთრი ხალათებით საზეიმოდ შემოსეს სტუდენტები.  



საზეიმო ცერემონიას ესწრებოდნებ თსსუ-ის აკადემიური და ადმინისტრაციული პერსონალი, უცხოელი სტუმრები და თსსუ-ის დიპლომირებული მედიკოსის ამერიკული პროგრამის სხვადასხვა კურსის სტუდენტები, მათი მშობლები და მეგობრები.

საგანგებოდ ამ შესანიშნავი ღონისძიებისა და 2028 წლის გამოშვების კლასის სტუდენტებისთვის მუსიკალური ნომერი შეასრულეს დიპლომირებული მედიკოსის ამერიკული პროგრამის უფროსმა სტუდენტებმა: ჯანადი კარავიტა და ჰუზაიფ ბინ ბაშერი აუდიტორიის წინაშე რამდენიმე სიმღერით დაინ ტომ თომას (ფორტეპიანოზე) და დეივ ბიჯის ( ელექტრონულ გიტარაზე) ინსტრუმენტული თანხლებით წარდგნენ.

ღონისძიების ბოლოს სტუდენტებმა საზეიმო ტორტი თავად გაჭრეს და სამახსოვრო ფოტოები გადაიღეს. 

დიპლომირებული მედიკოსის ამერიკული პროგრამა თბილისის სახელმწიფო სამედიცინო უნივერსიტეტის ბაზაზე ემორის უნივერსიტეტის (აშშ, ატლანტა) ხელშეწყობით 2013 წლიდან ფუნქციონირებს. სასწავლო პროგრამა ემორის უნივერსიტეტის სამედიცინო განათლების კურიკულუმზეა დაფუძნებული.


2022-2023 სასწავლო წელს პროგრამაზე მეათე მიღების 110 სტუდენტი
 ჩაირიცხა.