შეხვედრა პროგრამის წარმატებულ კურსდამთავრებულთან

თსსუ-ის დიპლომირებული მედიკოსის ამერიკული პროგრამის სტუდენტები პროგრამის კურსდამთავრებულს, ნიკა თავბერიძეს შეხვდნენ. შეხვედრის მიზანი იყო ამერიკის შეერთებული შტატების სამედიცინო ლიცენზირების გამოცდის, კლინიკური სწავლებისა და რეზიდენტურის პროგრამისთვის მოსამზადებელი პროცესის შესახებ საკითხების განხილვა.

ნიკა თავბერიძე ამერიკული პროგრამის იმ კურდამთავრებულთა შორისაა, რომლებიც უკვე წარმატებით ჩაირიცხნენ ამერიკის შეერთებული შტატების სარეზიდენტო პროგრამებში.
ამჟამად ნიკა სწავლას განაგრძობს ამერიკაში (უისკონსინის შტატში), უისკონსინის ჰოსპიტლებისა და კლინიკების ქსელში, პათოლოგიისა და ლაბორატორიული მედიცინის, ანატომიისა და კლინიკური პათოლოგიის სარეზიდენტო პროგრამაში.