თეთრი ხალათების ცერემონია 2019
კომენტარი (0) გაზიარება (0)

20 სექტემბერს 13:30 საათზე თბილისის სახელმწიფო სამედიცინო უნივერსიტეტის დიპლომირებული მედიკოსის ამერიკული პროგრამა თეთრი ხალათების რიგით მეშვიდე ცერემონიას გამართავს.

საზეიმო ღონისძიებას თბილისის სახელმწიფო სამედიცინო უნივერსისტეტში განსაკუთრებული დატვირთვა აქვს: მედიცინის ფაკულტეტის სტუდენტებისთვის თეთრი ხალათი წარმატებული სამედიცინო კარიერისა და ექიმის შეუბღალავი ავტორიტეტის სიმბოლოს წარმოადგენს.

გასული წლების მსგავსად, თეთრი ხალათების რიგით მეხუთე ცერემონია ამჯერადაც პომპეზური იქნება. ღონისძიების ფარგლებში მოწვეული საპატიო სტუმრები, ასევე, სტუდენტები, აუდიტორიას სიტყვით მიმართავენ. პროგრამამ პირველი სტუდენტები სწორედ 7 წლის წინ მიიღო.

თეთრი ხალათების 2019 წლის ცერემონიას თბილისის სახელმწიფო სამედიცინო უნივერსიტეტის რექტორი, პროფესორი ზურაბ ვადაჭკორია გახსნის. პროგრამის პირველკურსელებს მიესალმებიან და, ტრადიციულად, თსსუ-ისა და ამერიკული პროგრამის ემბლემიანი თეთრი ხალათებით შემოსავენ ღონისძიებაზე მიწვეული საპატიო სტუმრები როგორც საქართველოდან, ისე ამერიკის შეერთებული შტატებიდან, კერძოდ ემორის უნივერსიტეტის მედიცინის სკოლიდან.

დიპლომირებული მედიკოსის ამერიკული პროგრამა თბილისის სახელმწიფო სამედიცინო უნივერსიტეტის ბაზაზე ემორის უნივერსიტეტის (აშშ, ატლანტა) ხელშეწყობით 2013 წლიდან ფუნქციონირებს. სასწავლო პროგრამა ემორის უნივერსიტეტის სამედიცინო განათლების კურიკულუმზეა დაფუძნებული. პროგრამის სტრუქტურა უადვილებს სტუდენტებს სწავლის პროცესშივე ჩააბარონ აშშ სამედიცინო ლიცენზირების გამოცდის (USMLE ) ორივე საფეხური ეტაპობრივად და საშუალებას აძლევს კლინიკური გამოცდილება მიიღონ ამერიკის შეერთებულ შტატებში. ამ მხრივ პროგრამას უკვე აქვს დიდი წარმატება.

2019 წელს პროგრამაზე სტუდენტების მეხუთე ნაკადი, 70-მდე სტუდენტი ჩაირიცხა.

20 სექტემბერს დიპლომირებული მედიკოსის ამერიკული პროგრამის ყოველწლიური ღონისძიების სტუმრებს თბილისის სახელმწიფო სამედიცინო უნივერსიტეტის თეატრალური დარბაზი 13:00 საათიდან უმასპინძლებს . „თეთრი ხალათების ცერემონია“ 2 საათს გაგრძელდება.
მისამართი: ვაჟა-ფშაველას გამზირი N33, თეატრალური დარბაზი, III კორპუსი, III სართული.