ესეების კონკურსში -„ბიომარკერები იშვიათი დაავადებების დიაგნოზირებაში“- მონაწილე დიპლომირებული მედიკოსის ამერიკული პროგრამის სტუდენტებს სერთიფიკატები გადაეცათ

თსსუ-ის მოლეკულური და სამედიცინო გენეტიკის დეპარტამენტის და სამედიცინო გენეტიკის და ეპიგენეტიკის საქართველოს საზოგადოების ეგიდით, 28 თებერვალს თსსუ-ის ადმინისტრაციული კორპუსის საბჭოების დარბაზში, გაიმართა იშვიათი დაავადებების საერთაშორისო დღისადმი მიძღვნილი კონფერენცია.

ღონისძიების ფარგლებში გამოვლინდა ესეების კონკურსის -„ბიომარკერები იშვიათი დაავადებების დიაგნოზირებაში“ გამარჯვებული სტუდენტი, რომელმაც CENTOGENE AG-ის მიერ მიიღო სრული დაფინანსება იშვიათი დაავადებების კონფერენციაზე წასასვლელად ბოგოტაში.

კონკურსში მონაწილე ამერიკული პროგრამის სტუდენტებს, აჯაი პრანაი შაჰს, მარიამ ჭელიძეს, ანი ჩაგიაშვილს, აზმი ზაკე, დანიელ პაკს, თსსუ-ის სხვა სტუდენტებთან ერთად, გადაეცათ სერტიფიკატები.

კონფერენციაზე განხილული იყო იშვიათ დაავადებებთან დაკავშირებული აქტუალური საკითხები, აგრეთვე დიაგნოსტირების აუცილებლობის, შესაძლებლობების და მკურნალობის საკითხები, მიმდინარე სამეცნიერო პროექტები და კლინიკური კვლევები.