გადაუდებელი დახმარების ტრენინგი მომავალი ჟურნალისტებისთვის

დიპლომირებული მედიკოსის ამერიკული პროგრამის სტუდენტები პირველადი გადაუდებელი დახმარების ტრეინინგებს თანატოლებისთვის სხვადასხვა სასწავლო დაწესებულებებში განაგრძობენ. 15 თებერვალს US MD პროგრამის მეორე კურსის სტუდენტები, მარიამ ჭელიძე და თათია თელია, ილიას სახელმწიფო უნივერსიტეტის სასწავლო სატელევიზიო ცენტრს ესტუმრნენ. მომავალმა ექიმებმა ცენტრის სტუდენტებს პირველადი გადაუდებელი დახმარების აუცილებელი წესები გააცნეს და დახმარების აღმოჩენის ვორქშოპი ჩაატარეს. მანამ, ვიდრე სასწრაფო სამედიცინო დახმარების ბრიგადა შემთხვევის ადგილზე მოვა ,- ტრენინგი მიზნად ისახავდა მომავალი ჟურნალისტებისა და ოპერატორებისთვის ექსტრემალურ სიტუაციებში სწორად მოქმედების სწავლებას. დიპლომირებული მედიკოსის ამერიკული პროგრამის სტუდენტებმა მეტი თვალსაჩინოებისა და პრაქტიკისთვის კორპორაცია „პარტნიორები საერთაშორისო განვითარებისათვის" კობალაძეების საექთნო სწავლების ცენტრის სიმულაციური მულაჟები გამოიყენეს. ილიას უნივერსიტეტის სატელევიზიო ცენტრის სტუდენტებმა მათთვის საინტერესო კითხვებზე ამომწურავი პასუხები მიიღეს. ტრეინინგი მომავალი ჟურნალისტებისა და ოპერატორებისთვის გარკვეულ სასწავლო ხასიათსაც ატარებდა: სიუჟეტების მომზადებასთან ერთად ცენტრის სტუდენტებმა პირდაპირი ჩართვის იმიტაციაც მოახდინეს. პირველადი გადაუდებელი დახმარების ტრეინინგი, დიპლომირებული მედიკოსის ამერიკული პროგრამის სტუდენტების ინიციატივით, მომავალშიც გაგრძელდება.