ძუძუს კიბოს ცნობიერების ამაღლების ღონისძიება და ცოცხალი ჯაჭვი

2 ოქტომბერს თსსუ-ის დიპლომირებული მედიკოსის ამერიკული პროგრამის სტუდენტები აქტიურად მონაწილეობდნენ ძუძუს კიბოს შესახებ ცნობიერების ამაღლების ღონისძიებაში, რომელიც „ევროპა დონა საქართველოს" ორგანიზებით თავისუფლების მოედანზე გაიმართა. ღონისძიების ფარგლებში თბილისის საკრებულოს წევრებმა, ორგანიზაცია „ევროპა დონა საქართველომ", ეროვნული სკრინინგის ცენტრის, საჯარო და კერძო სექტორის წარმომადგენლებმა და ჩვენი პროგრამის სტუდენტებმა თავისუფლების მოედნის გარშემო, საზოგადოებაში ცნობიერების ამაღლებისა და პაციენტებისადმი სოლიდარობის ნიშნად, შეკრეს ცოცხალი ჯაჭვი. ვარდისფერი ოქტომბერი არის ყოველწლიური საკომუნიკაციო კამპანია, რომელიც მიზნად ისახავს, აამაღლოს ცნობიერება ქალებში ძუძუს კიბოს დროული სკრინინგის შესახებ. კამპანია შეიქმნა 1985 წელს და მსოფლიოს სხვადასხვა ქვეყანაში აღინიშნება ყოველწლიურად, 1-დან 30 ოქტომბრამდე.