ემორის უნივერსიტეტის პროფესორი ქეთევან კობაიძე საჯარო ლექციას ჩაატარებს

2017 წლის 5 ივლისს 15:00 საათზე ემორის უნივერსიტეტის სამედიცინო სკოლის ასოცირებული პროფესორი ქეთევან კობაიძე თბილისის სახელმწიფო სამედიცინო უნივერსიტეტში წაიკითხავს ლექციას თემაზე: „საინტერესო შემთხვევები მედიცინიდან - დაავადებათა კონტროლისა და საზოგადოებრივი ჯანმრთელობის ცენტრის გამოცდილების ჭრილში“ (დიფტერიის ეპიდ.აფეთქება, ბოტულიზმი, ციმბირის წყლული და სხვა).

ქეთევან კობაიძემ 2011 და 2016 წლებში მიიღო ემორის უნივერსიტეტის მედიცინის სკოლის ჯილდო – Golden Apple Teaching Award. იგი ჩართულია მრავალ კლინიკურ და სამეცნიერო კვლევაში, გამოქვეყნებული აქვს მრავალი სამეცნიერო პუბლიკაცია. ემორის უნივერსიტეტის ქართველი პროფესორი ეწევა ძალზე ინტენსიურ სასწავლო და კლინიკურ საქმიანობას და აქტიურად მონაწილეობს ემორის უნივერსიტეტის მედიცინის პროგრამის სტუდენტებისა და რეზიდენტების სწავლებაში.
ემორის უნივერსიტეტის მედიცინის სკოლის პროფესორის საჯარო ლექციაზე დასწრება თავისუფალია. 
ლექცია ჩატარდება თსსუ-ის ადმინისტრაციულ კორპუსში, I სართულზე, საბჭოების სხდომათა დარბაზში.